خلو بالكم من النيه

من طرف **أميره** الأربعاء أكتوبر 21, 2009 1:58 pm

السلام عليكم ورحمه الله وبركاته

النية

طيب يعني ايه نية؟؟؟وهل هي مهمة للدرجةدي؟؟؟

طب وايه المشكلة لو محطتش نية لأعمالي؟؟؟

النية يعني ايه يعني انوي انا هاعمل العمل ده ليه ؟؟؟

مثلا انا باصحي بدري.. طب ليه؟؟؟عادي لا مفيش حاجة اسمها عادي[لازم يكون ليك نية إنك صحيت بدرى]

عشان جسمى يكون مرتاح أقدر أساعد والدى ووالدتى

أكون مرتاح ومتعبش وأنا بعمل الطاعات

[فى حاجات كتير ممكن ننويها وناخد بيها ثواب

دلوقتي في حد هيقولي طب ما اكيد هنلاقي اعمال ملهاش نية!!!

نعمل ايه بقي؟؟؟

مثلا انا قاعد ع الكمبيوتر....ازاي احول عملي ده لحسنات

بسيطة انوي اني لما اقعد كده اتعلم ف امور ديني عشان

ارتقي بنفسي وربنا والرسول صلي الله عليه وسلم يبقوا

راضيين عني ....

طبعا هتقولولي هو يعني طول ما انا موجود ع الكمبيوتر هاتعلم

لاء مفيش مانع طبعا تلعب....

بس حاولوا يعني تحولوا اعمالكم لحسنات

طيب دلوقتي ايه المشكلة ف عدم وجود النية ....اقولكم ؟؟؟

شوفوا الحديث اللي جاي ده

أخبرنا علي بن الحسين بن سليمان بالفسطاط، قال: حدثنا محمد بن هشام بن أبي خيرة ،

قال: حدثنا عبد الرحمن بن عثمان ، قال: حدثنا شعبة ، قال: حدثنا العلاء ، عن أبيهعن أبي هريرة قال:

قال رسوله الله صلى الله عليه وسلم : :

(((قال الله تبارك وتعالى: أنا خير الشركاء، من عمل عملاً، فأشرك فيه غيري، فأنا منه بريء، هو للذي أشرك به)).)

ففي هذا الحديث القدسي تبين أن عدم الاخلاص في النية قد يوقع الانسان في ظلام الشرك ,

يااااااااه شوفتوا لدرجة ايه ...

طيب في حديث تاني تعالوا كده نقراه سوا:

أخبرنا أحمد بن الحسن بن عبدالجبار ، قال: حدثنا يحيى بن معين ،

قال: حدثنا محمد بن بكر ، قال: حدثنا عبدالحميد بن جعفر ،

قال: حدثني أبي ، عن زياد بن ميناء عن أبي سعيد بن أبي فضالة الأنصاري وكان من الصحابة

قال: سمعت رسول الله صلى الله عليه وسل :

(((إذا جمع الله الأولين والآخرين يوم القيامة، ليوم لا ريب فيه، نادى مناد

: من كان أشرك في عمله لله أحداً، فليطلب ثوابه من عنده، فإن الله أغنى الشركاء عن الشرك)).).

وهو حديث آخر بنفس المعنى ..و تبرز فيه الأمور التي ستحصل للعبد الذي لم يخلص في عمله بالدنيا

[طيب يا جماعة هقولكم حاجة !!!!

عارفين لما بجد الواحد ينوي كده انه هيعمل حاجة ونيته خالصة لله

والحاجة دي تكون صالحة وكويسة بجد ربنا بييسرها له اوي

وفعلا بتحس ان ربنا معاك فيه

طيب ايه رايكم نستشعر معني الحديث ده]

أخبرنا علي بن محمد القباني ، حدثنا عبد الله بن هاشم الطوسي

، حدثنا يحيى بن سعيد القطان ، عن يحيى بن سعيد الأنصاري

، عن محمد بن إبراهيم التيمي ، عن علقمة بن وقاص .عن عمر بن الخطاب ، رضي الله عنه،قال: قال رسول الله صلى الله عليه وسلم : :

(((الأعمال بالنيات ولكل امرئ ما نوى، فمن كانت هجرته إلى الله ورسوله،

فهجرته إلى الله ورسوله، ومن كانت هجرته لدنيا يصيبها، أو امرأة يتزوجها، فهجرته إلى ما هاجرإليه)).).

فهذا الحديث المعروف قد برز فيه أهمية النية بشكل واضح تغنينا عن تفسير أسطره

شوفتوا ازاي بقي ......

اعتقد مفيش عمل هنعمله من

غير نية بعد كده......

طيب اهمية النيه ايه

اقروا الاية القرآنيه دي الاول بسم الله الرحمن الرحيم

"قال تعالى في محكم تنزيله : { وَالَّذِينَ صَبَرُواْ ابْتِغَاء وَجْهِ رَبِّهِمْ وَأَقَامُواْ الصَّلاَةَ وَأَنفَقُواْ مِمَّا رَزَقْنَاهُمْ سِرًّا وَعَلاَنِيَةً وَيَدْرَؤُونَ بِالْحَسَنَةِ

السَّيِّئَةَ أُوْلَئِكَ لَهُمْ عُقْبَى الدَّارِ }

يقول في تفسير الجلالين : ( والذين صبروا على الطاعة والبلاء وعن المعصية ابتغاء طلب وجه ربهم لا غيره من أعراض الدنيا وأقاموا الصلاة

وأنفقوا في الطاعةمما رزقناهم سرا وعلانية ويدرؤون يدفعون بالحسنة السيئة كالجهل بالحلم والأذى بالصبر أولئك لهم عقبى الدار أي

العاقبة المحمودة في الدار الآخرة

طب انا دلوقتي كنت نويت اعمل حاجة ومحصلتش .... ايه العمل ؟؟

الحديث اللي جاي ده يبين لك رحمة ربنا اد ايه واسعة []وبجد ربنا رءوف رحيم فعلا

[عن ابي هريرة ان رسول الله صلي الله عليه وسلم يقول الله عز وجل : اذا اراد عبدي ان يعمل سيئة فلا تكتبوها عليه حتي يعملها فإن

عملها فاكتبوها بمثلها وإن تركها من اجلي فاكتبوها له حسنة وان اراد ان يعمل حسنة فلم يعملها اكتبوها له حسنة فلم يعملها

اكتبوها له بعشر امثالها اسبعمائة

ياااااااااااااااااااه يارب اد ايه ربنا كريم اووووووووووي

شوف يعني بيحبك اد ايه ..... سبحان الله

طيب مش بدل ما يوم ورا يوم كان بيضيع من غير فايدة قدرت احول اعمالي كلها لحسنات ده حتي وانا نايم كمان

وحاجة مكلفتنيش مجهود لكن ف الميزان تقلت الحسنات

طيب ممكن نتفق على واجب عملى

اننا هننوي نية حسنة قبل كل عمل هنعمله

طيب نستحضر النية جميعا كده

وبجد نقول هنحارب الشيطان

وهننوي نية حسنة ومش هنسيب عمل الا وهننويه لله ان شاء الله تعالي

يلا نتحدى الشيطان

واذا نسيتم اتحدوا تاني

عارفين اكتبوا ورقة ف مكان واضح ليكم

مكتوب عليها علينا باستحضار النية ومحاربة الشيطان

بجد هيفرق اوووووووووووووووي معاكم الموضوع ده

جزاكِ الله خيرا حبيبتى ميرو

وان شاء الله ربنا يعينا ويقدرنا على استحضار النية فى كل أعمالنا

اللهم اجعل أعمالنا خالصة لوجهك الكريم

دمتى فى حفظ الله ورعايته

خلو بالكم من النيه

خلو بالكم من النيه

رد: خلو بالكم من النيه